Zyrtarë të Postës dhe Telekomit të Kosovës thatë se gjatë 10 muajve të viti 2010 të hyrat e kësaj kompanie janë rritur 7%.
Kryeshefi ekzekutiv i PTK-së, Shyqri Haxha, tha se numri i konsumatorëve të telefonisë publike Vala-s është rritur në 1.2 milion klientë, ndërkohë që me përfundimin e fazës së gjashtë, numri i klientëve do të rritet në 1.5 milion.
Haxha tha se brenda pak kohësh do të nisë punën operatori i katërt në Shqipëri, “Plus”, në të cilën PTK-ja është aksionar.
Ofertat e llojllojshme për konsumatorët, shërbimet kualitative si dhe qasja korrekte ndaj konsumatorëve, kanë bërë që brenda periudhës kohore janar-tetor të këtij viti të ketë shtim të numrit të konsumatorëve, si dhe rezultate pozitive në aspektin financiar.
PTK është operatori i vetëm publik i telefonisë publike në Kosovë dhe është në proces të privatizimit. Përveç PTK-së, në tregun e telefonisë mobile në Kosovë operon edhe kompania me kapital slloven Ipko.
ECIKS
