AL
DE
Prishtinë, 18 nëntor 2003 – Shefi i UNMIK-ut, Harri Holkeri tha të hënën në Prishtinë, se kishte marrë bekimin e New York-ut për të rinisur procesin e privatizimit, por se paraprakisht Agjencia Kosovare e Mirëbesimit duhet t’i rishqyrtojë ndërmarrjet e privatizuara. Holkeri tha se rregullorja e AKM-së do të mbetet e pandryshuar, mirëpo duhet rishqyrtuar disa lëshime që janë bërë gjatë procesit të privatizimit të disa ndërmarrjeve.
Takimi i New Yorkut sidoqoftë ende nuk i ka eleminuar të gjitha paqartësitë dhe problemet në lidhje me privatizimin. Nga një takim që Ministri i Ekonomisë dhe Financave z. Ali Sadriu pati me drejtoreshën e AKM-së, Marie Fucci dhe me këshilltarë ligjorë të UNMIK-ut, shumë detaje rreth vazhdimit të punës së AKM-së nuk u bënë publike, mirëpo Ministri Sadriu u shpreh shumë skeptik për planin më të ri të privatizimit duke thënë se kjo formë do të na marrë shumë kohë dhe AKM-ja, nuk do të mund të kryej privatizimin brenda afatit të paraparë prej tri vjetësh. Fjala është për vlerësimin e disa transaksioneve që në ekonominë e Kosovës janë kryer me ligje diskriminuese të Serbisë.
ECIKS