AL
DE
Prishtinë, 7 Nëntor 2003 – Arsyeja që kompania ajrore Britanike ka organizuar një konferencë për media në Prishtinë ishte njoftimi i opinionit kosovar me të arriturat e „British Airways“ në Kosovë gjatë operimit dyvjeçar si dhe paraqitja e rëndësisë së hapjes së linjës direkte me Britaninë e Madhe për Kosovën.
Çështjet të cilat u biseduan në këtë konferencë, kishin të bëjnë me rolin dhe kontributin e „British Airways“ për biznesin lokal të aviacionit, bashkëpunimin e kësaj kompanie me Aeroportin e Prishtinës, mënyrat e operimit në Kosovë, etj.
Duke folur për rezultatet e punës dy vjeçare dhe për lansimin e fushatës “Londra është më afër se që mendon”, zyrtari i kësaj kompanie z. Pik, tha se shpejtimi i procedurës së marrjes së vizave dhe shtimi i numrit të fluturimeve janë dy nga gjërat më të rëndësishme që linjat e “British Airways” mes Londrës e Prishtinës të jenë ndër më profitabilet.
ECIKS (K.D.)