Autoritetet e Shqipërisë, të premten, e kanë hapur edhe krahun tjetër të tunelit të Kalimashit, i cili shpejton për gjysmë ore kohën e udhëtimit nga Kosova në drejtim të Shqipërisë dhe anasjelltas.
Në ceremoninë e inaugurimit merrnin pjesë ministrat homologë të transportit nga Shqipëria e Kosova, Sokol Olldashi e Fatmir Limaj.
Krahu verior i tunelit u hap pas përfundimit të të gjitha punëve, duke përfshirë edhe sinjalistikën, kamerat e sigurisë, ventilatorët, sistemet e alarmit dhe çdo gjë tjetër që duhet për ta bërë atë krejtësisht funksional.
Pas hapjes së tunelit të dytë, udhëtarët nuk do të ndalen më në të dyja anët e tunelit për shkak të kalimit të automjeteve vetëm nga njëra anë.
Me hapjen e tunelit të dytë, kompania turko-amerikane “Bechtel-Enka” mbyll përfundimisht kantierin e saj në këtë rruge, pas tri vjetësh punime dhe do të shpërngulet në Kosovë, për t’iu bashkangjitur kantierit të ngritur atje, për vijimin e ndërtimit të autostradës nga Morina drejt Merdares.
ECIKS
