AL
DE
Përfaqësuesit e komunitetit të biznesit nga Kosova dhe Shqipëria, gjatë një takimi në Tiranë kanë thënë se duhet të thellohet bashkëpunimi dhe krijimi i kushteve me të mira për të rritur edhe më shumë shkëmbimet tregtare.
Aktualisht shkëmbimet tregtare në mesë Kosovës dhe Shqipërisë janë rreth 65 milionë euro në vit.
Kryetari i Odës Ekonomike të Kosovës (OEK), Safet Gërxhaliu ka propozuar që Oda Ekonomike e Kosovës dhe ajo e Shqipërisë, të fillojnë punën në krijimin strategjisë për bashkëpunimin ekonomik për një afat të mesëm dhe të gjatë.
Kryetari i Unionit të Dhomave të Tregtisë dhe Industrisë së Shqipërisë, Ilir Zhila, tha se të dy vendet po harmonizojnë infrastrukturën ligjore me standardet e Bashkimit Evropian.
Shkëmbimet e mallrave në mes të dyja vendeve janë rreth 65 milionë euro, Kosova importon 40 milionë ndërsa eksporton 25 milionë euro.
ECIKS