18 gusht 2011 – Kryeministri Hashim Thaçi e ka vlerësuar lartë punën e prodhuesve kosovarë pas ditës kur u morr vendimi që mallrat serbe të mos futen në Kosovë.
Kryeministri gjatë një vizite së bashku me ministrin e Bujqësisë, Blerand Stavilecin në kompaninë për përpunimin e pemëve “ASK Foods” në Gjilan, ka deklaruar se masat e reciprocitetit kanë ndikuar që kompanitë kosovare ta rrisin dukshëm prodhimin dhe të mbulojnë tregun vendor.
Ndërkaq, ministri i Bujqësisë, Blerand Stavilevci tha se do të bëjnë çmos që prodhuesit kosovarë të kenë kushte të favorshme, në mënyrë që aktivitetin e tyre prodhues ta ngrisin në nivele më të larta jo vetëm sa i përket sasisë, por edhe cilësisë së produkteve.
Telegrafi
