Shkelja e Marrëveshjes për Tregtinë e Lirë CEFTA është duke vazhduar. Maqedonia sërish po u vë barriera produkteve kosovare. Kompania prodhuese e pijeve “Bibita” ka ngritur sërish këtë çështje nëpërmjet një njoftimi zyrtar ndaj diskriminimit që po i bëhet palës kosovare dhe ka kërkuar nga institucionet e Kosovës të respektohet kjo marrëveshje.
“Me rastin e hyrjes së produkteve me origjinë nga Kosova u është shtuar edhe një obligim shtesë për pagesë të detyrimeve me një tarife enorme qe është 50 për qind nga vlera e mallit”, thuhet në një njoftim zyrtar të kësaj kompanie .
Në njoftim thuhet se kjo dëmton shumë prodhuesit kosovarë dhe është pengesë për të qenë konkurrent në tregun e rajonit.
“Sipas hulumtimeve që kemi bërë, në asnjë dokument të CEFTA-s nuk parashihet taksa shtesë për mallrat për eksport, përfundon njoftimi.
Gazeta Express
