AL
DE
Me organizimin e Ministrisë së Bujqësisë dhe Odës Ekonomike të Kosovës, në zonën industriale në Prishtinë u hap Panairi i produkteve bujqësore dhe industrisë ushqimore “Prishtina 2010”.
Në këtë panair po marrin pjesë 60 kompani.
Ministri i Bujqësisë, Blerand Stavileci, tha se ka filluar një etapë e re e zhvillimit të sektorëve të bujqësisë në Kosovë.
“Jemi duke punuar në rritjen e fermave tona, në mënyrë që të rrisim aftësitë përpunuese të tyre dhe t’i rrisim sipërfaqet e punueshme, duke ulur koston e prodhimit dhe duke shtuar prodhimtarinë”, pohoi Stavileci.
Ai tha se sektori i drithërave dhe qumështit gjatë këtij viti ka patur një rritje të mbështetjes nga shteti për 50%.
Ndërsa, kryetari i Odës Ekonomike të Kosovës, Safet Gërxhaliu, tha se edhe pse e vogël me territor, Kosova i ka të gjitha predispozitat, për t’u bërë konkurrente në rajon.
ECIKS