AL
DE
Ministri i Ekonomisë dhe Financave Ahmet Shala në takimet e”U.S Business Forum 2010” dhe në ”Ballkan Leaders’ Summit 2010” që u mbajt në New York, i ka ftuar investitorët e jashtëm që të investojnë në Kosovë.
Shala ka thënë se Kosova është një vend potencial për investime, pasi që ekzistojnë mekanizma të tërë shtetërorë dhe publikë që i përkrahin ata.
Gjatë vizitës në Shtetet e Bashkuara Shala është takuar me përfaqësues të lartë të shtetit amerikan dhe të shteteve të tjera pjesëmarrëse në këto takime.
Ministri kosovar ka thënë se Qeveria e Kosovës është e përkushtuar që të mbështesë investimet e sektorit privat në të gjitha sferat e ekonomisë duke mënjanuar çfarëdo pengese institucionale apo burokratike para investimeve të huaja direkte dhe atyre vendore.
”U.S Business Forum 2010” dhe në ”Ballkan Leaders’ Summit 2010 kanë për qëllim forcimin e bashkëpunimit efektiv në mes të vendeve të Ballkanit Perëndimor, si dhe lidhjet ekonomike dhe tregtare ndërmjet Shteteve të Bashkuara dhe të rajonit si dhe të ndihmojë në përfshirjen e të gjitha vendeve të Ballkanit Perëndimor në Evropë.
ECIKS