AL
DE
Konferenca e ECIKS “Kosova – Ardhmeria permes Ekonomise” ka mbledhur me 28 qershor ne Vjene nje number te madh kompanish, institucionesh dhe te interesuar tjere. Mbi 150 pjesemarres kane ndegjuar dhe kane patur rastin te diskutojne me Zevendes Kryeministren dhe Ministren per Tregti dhe Industri, Z. Mimoza Kusari-Lila. Ajo ne fjalen e saj ka insistuar qe Qeveria e Kosoves ka nje vizion te qarte per zhvillim ekonomik dhe qe vazhdon te ndjeke nje plan shume ambicioz por te realizueshem per ta bere Kosoven me atraktive per investime dhe biznes. Konkretisht, ajo tha qe Kosova ka per qellim qe deri ne vitin 2014 te vleresohet si vendi me reformues dhe si njeri nga 40 vendet me atraktive per biznes ne „Doing Business Report “ te Bankes Boterore.
Konferenca, e mbajtur ne Oden Ekonomike te Vjenes, eshte organizuar bashkerisht nga ECIKS, Ambasada e Kosoves ne Austri dhe IDM si dhe eshte perkrahur nga Agjencia Austriake per Zhvillim (ADA) dhe Zukunftsforum. Konferenca eshte hapur nga Ambasadori i Kosoves ne Austri Z.Sabri Kiqmari dhe ka perfunduar me nje panel prominent diskutimi, perfshire Ish Vice-Kancelarin e Austrise Z. Erhard Busek, Deputeten e Parlamentit Evropian Znj. Ulrike Lunacek, Kryetarin e ECIKS Z.Kujtim Dobruna, Drejtorin e Agjencise Austriake per zhvillim (ADA) Znj. Brigitte Öppinger-Walchshofer dhe perfaqesuesin e Ministrise Austriake te Ekonomise Z. Franz Wessig.
Paneli ka konkluduar qe Kosovaret jane te gatshem dhe te interesuar per ta zhvilluar vendin e tyre, perderisa ekonomia mbetet elementi kryesor i ketij zhvillimi. Panelistet u pajtuan qe nje rol te rendesishem ne kete zhvillim e ka politika dhe e ftuan Bashkimin Evropian qe ta perkrahe me shume zhvillimin ekonomik ne Kosove, duke krijuar kushtet per levizjen e lire te njerezve dhe mallrave, perfshire ketu liberalizimin e vizave, lehtesimin e eksporteve nga Kosova dhe lenjen prapa te dallimeve te shteteve anetare per statusin e Kosoves.
Konferenca eshte mbyllur me pjesemarrjen e publikut ne nje sesion pyetje-pergjigje dhe me nje pritje te organizuar nga Ambasada e Republikes se Kosoves ne Vjene.
ECIKS