Forumi i parë për tregti dhe investime SHBA-Kosovë do të mbahet të mërkurën, më 27 tetor, në New York, ndërsa organizohet nga Ambasada e Republikës së Kosovës në SHBA dhe Shoqëria Tregu në Zhvillim.
Forumi do të ofrojë informata për mundësitë e investimeve në Kosovë dhe do t’u mundësojë investitorëve potencialë dhe partnerëve tregtarë të takohen me delegacionin qeveritar nga Kosova, të cilin do ta udhëheq ministri i Ekonomisë dhe Financave, Ahmet Shala.
“Prej shpalljes së pavarësisë, Kosova ka zhvilluar një sistem të përshtatshëm tatimor për investime”, tha ambasadori i Kosovës në SHBA, Avni Spahiu.
Në fokusin e investitorëve të mundshëm janë pasuritë e mëdha të thëngjillit, potenciali bujqësor dhe në forcë punëtore e re sipërmarrëse.
“Në Kosovë ka mundësi të mëdha për investime të sektorit privat në fushat si energjia, infrastruktura dhe industria bujqësore”, tha ambasadori Spahiu.
ECIKS
