Kryetari i Odës Ekonomike të Kosovës, Besim Beqaj dhe drejtori i Agjencisë për Promovimin e Investime në Kosovë (APIK), Mustafë Hasani, nënshkruan një marrëveshje bashkëpunimi me të cilën komuniteti i biznesit në Kosovë do përfshihet në promovimin e investimeve të jashtme.
Kryetari i OEK-ut, Besim Beqaj tha se OEK-u është i interesuar që të bashkëpunojë me të gjitha institucionet relevante të cilat bëjnë promovimin e investimeve të huaja në Kosovë.
Sipas tij, memorandumi i bashkëpunimit synon promovimin e investimeve të huaja në Kosovë dhe për të promovuar Kosovën si brend.
Mustafë Hasani, drejtori i APIK-ut tha se me OEK-un kanë pasur bashkëpunim edhe më parë në lëmin e promovimit të investimeve, të organizimit të takimeve me bizneset, panaireve të ndryshme.
Hasani theksoi se do të shikohen mundësitë e zhvillimit të mëtejshme të aktiviteteve promovuese nëpërmjet panaireve, konferencave dhe përcaktimin e sektorëve dhe kompanive të cilat mund të jenë interesante për investime në Kosovë.
ECIKS
